Get Adobe Flash player

ከኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ የተሰጠ መግለጫ

ጥቅምት 16 ቀን 2009 ዓ.ም. በስመ አብ ወወልድ ለመንፈስ ቅዱስ አሐዱ አምላክ አሜን የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ ጉባኤ፣...

35ኛው አጠቃላይ የሰበካ መንፈሳዊ መደበኛ ስብሰባ ከጥቅምት 7-10 ቀን 2009 ዓ.ም ሲካሄድ የቆየው ተጠቃቀ፡፡

በመምህር ዕንቈባሕርይ ተከስተ ዘመናትን በዘመናት የሚተካ እግዚአብሔር አምላክ 2008 ዓ.ም ዘመነ ዮሐንስን አሳልፎ ለ2009 ዓ.ም ዘመነ ማቴዎስ አደርሶናል፡...

ብፁዕ ወቅዱስ አቡነ ማትያስ ፓትርያርክ ርእሰ ዓውደ ዓመትን ምክንያት በማድረግ በመላ ሃገሪቱ ጸሎት እንዲደረግ ለሁለተኛ ጊዜ መመሪያ አስተላለፉ፤

በመምህር ሙሴ ኃይሉ በቤተ ክርስቲያናችን ትውፊት ተጠብቆ የቆየውን እና በየዓመቱ የሚከናወነውን የእንኳን አደረስዎ መርሐ ግብር የዘንድሮ ዘመን መለወጫ በዓለ ...

ቃለ በረከት ዘእምኀበ ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወዕጨጌ ዘመንበረ ተክለ ሃይማኖት ዘተናገረ በበዓለ ርእሰ ዐውደ ዓመት ዘዕሥራ ምእት ወተስዓቱ ዓመተ ምሕረት፡፡

በስመ አብ ወወልድ ወመንፈስ ቅዱስ አሐዱ አምላክ አሜን ፡፡ በሀገራችን በኢትዮጵያ በገጠርና በከተማ የምትኖሩ፣ ከሀገር ውጭ በተለያዩ አህጉር የምትገኙ፤ ...

ብፁዕ ወቅዱስ አቡነ ማትያስ ፓትርያርክ የደብረ ሊባኖስ ገዳምን ጐበኙ፡፡

በገዳሙ የተሠሩ የተለያዩ የልማት ሥራዎችን መርቀዋል፡፡ በመምህር ሙሴ ኃይሉ ብፁዕ ወቅዱስ አቡነ ማትያስ ቀዳማዊ ፓትርያርክ፣ ርእሰ ሊቃነ ጰጳሳ...

  • ከኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ የተሰጠ መግለጫ

    Thursday, 27 October 2016 06:16
  • 35ኛው አጠቃላይ የሰበካ መንፈሳዊ መደበኛ ስብሰባ ከጥቅምት 7-10 ቀን 2009 ዓ.ም ሲካሄድ የቆየው ተጠቃቀ፡፡

    Tuesday, 25 October 2016 06:40
  • ብፁዕ ወቅዱስ አቡነ ማትያስ ፓትርያርክ ርእሰ ዓውደ ዓመትን ምክንያት በማድረግ በመላ ሃገሪቱ ጸሎት እንዲደረግ ለሁለተኛ ጊዜ መመሪያ አስተላለፉ፤

    Thursday, 15 September 2016 11:54
  • ቃለ በረከት ዘእምኀበ ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወዕጨጌ ዘመንበረ ተክለ ሃይማኖት ዘተናገረ በበዓለ ርእሰ ዐውደ ዓመት ዘዕሥራ ምእት ወተስዓቱ ዓመተ ምሕረት፡፡

    Thursday, 15 September 2016 11:50
  • ብፁዕ ወቅዱስ አቡነ ማትያስ ፓትርያርክ የደብረ ሊባኖስ ገዳምን ጐበኙ፡፡

    Wednesday, 07 September 2016 09:51

በኢትዮጵያ ኦርቶዶክስ ተዋሕዶ ቤተ ክርስቲያን መንበረ ፓትርያርክ ጠቅላይ ጽ/ቤት የሰንበት ት/ቤቶች ማደራጃ መምሪያ ከሐምሌ 1 ቀን 2006 ዓ.ም እስከ ግንቦት 21 ቀን 2007 ዓ.ም ያከናወናቸው ዓመታዊ የሥራ ሪፖርት እና የወደፊት ዕቅድ፤

መግቢያ

"ወአመሰ ደቂቅ አነ ወኃለይኩ ከመደቂቅ፣ ወአመሰ ልሕቁ፤ ወሠዓርኩ ኲሎ" ሕገ ደቂቅ ልጅ ሳለሁ እንደልጅ እናገር ነበር፤ እንደልጅም አስብ ነበር፤ እንደልጅም እቈጠር ነበር፡፡
ጎልማሳ ሆኜ ግን የልጅነትን ጠባይ ሽሬ አለሁ፡፡ 1ኛ ቆሮንቶስ ምዕ. 13፡11፡፡

ሐዋርያው ቅዱስ ጳውሎስ ለሰው ልጅ ስለፍቅር ኃያልነትን ይቅር ባይነት በገለጸበት አንቀጹ የሰው ልጅ በተለያዩ የዕድሜ ክልል እንደሚያልፍ በዚያው ልክ አስተሳሰቡም ጭምር እንደሚቀያየር በራሱ የሕይወት ተምሳሌት ገልጦልናል፡፡

የሰንበት ትምህርት ቤቶች ማደራጃ መሚያም የሚመራው ወጣቱ አዲሱ ትውልድ ነው፡፡ አብዛኛው በዚህ የወጣትነት እድሜ ክልል የሚገኝ ነው፡፡የተለያዩ ምሑራን እንደሚገልጡት ወጣትነት ከልጅነት በኋላ ከጎልማስነት በፊት ያለ የዕድሜ ክልል ነው፡፡ በዚህ ዕድሜ የሚገኝ ሰው አእምሮውም አካሉም ትኩስ ነው፡፡ ትኩስ በመሆኑም ምክንያት ብዙ ሊሠራ ይችላል፡፡ ወጣት ብዙውን ጊዜ ያለበትን ተጨባጩን ዓለም ትቶ በሐሳቡ በሚፈጥረው ዓለም ውስጥ ገብቶ በዚያ ውስጥ ይዋኛል፡፡ በዚህ ዕድሜ የሚገኝ ሰው ያሉት ድክመቶች የሚከተሉት ናቸው፡፡ 1ኛ ቶሎ ይበሳጫል 2ኛ ሁሉም ነገር በትክክል እንዲሠራ፣ ፍትህ እንዲኖር፣ ሰው ሀሉ እንደ ዕድሜውና እንደ ኃላፊነት ቦታው መሠረት ጨዋ፣ ቁም ነገረኛ ሐቀኛ እንዲሆን ይሻል፡፡ ጥፋት አይቶ በአስተያየት የማሳለፍ ጠባይ የለውም፡ እንዴት እንደዚያ ይሆናል ብሎ ቱግ ማለትና አጥፊውን ከፊቱ ላይ መናገር፣ ለነገ ያለማለት ሁኔታ ይታይበታል፡፡ 3ኛ ጉልበት ስላለው ለደረሰበት ጥቃት አጸፌታውን ለመመለስ ወደ ኋላ አይልም፡፡ 4ኛ አደገኛ የሆነን ነገረ እንኳ ምንም አያደርገኝም በማለት የመዳፈርና ራሱን አላስፈላጊ ለሆነ አደጋ የማጋለጥ ሁኔታ ይታይበታል፡፡ 5ኛ ያሰበው ሳይሳካለት ሲቀር ቶሎ ያዝናል፣ ቶሎም ተስፋ ይቆርጣል 6ኛ ያሰበው ሲሳካለትም በችሎታውና በዘዴው እጅግ የመኩራራትና የመደሰት መንፈስ ይታይበታል፡፡ እንዲህ የመሰለ ትውልድ ልዩ እንክብካቤና ጥበቃ ሊደረግለት ይገባል፡፡

የሰንበት ት/ቤቶች ማደራጃ መምሪያ በ1986 ዓ.ም ቅዱስ ሲኖዶስ አጽድቆ በሰጠው ውስጠ ደንብ ምዕራፍ ሦስት ቁጥር 17 /ከሀ-ረ/ የተዘረዘረው መሠረት በማድረግ የሰንበት ት/ቤቶች ሁለገብ አገልግሎት ይበልጥ እንዲጠናከርና በሁሉም ዘንድ ተደራሽ አገልግሎት ለማድረግ ከማዕከል ከመንበረ ፓትርያርክ ጀምሮ እስከ ወረዳና አጥቢያ ድረስ ሰፋፊ አደረጃጀትና የሰንበት ትምህርት ቤቶች አንድነት ወይም ትስስር (Networking) በመፍጠር ዘመኑን ለመቅደም በሚያስችል መልኩ አመርቂ ሥራዎችን እያከናወነ ይገኛል፡፡

ይኸው የሰንበት ትምህርት ቤቶች አንድነትም ሁሉም የኢትዮጵያ ኦርቶዶክስ ተዋሕዶ ቤተ ክርስቲያን ሰንበት ትምህርት ቤቶች ወጥ የሆነ ሥርዓተ አገልግሎት እንዲኖር ለማድረግ ከፍተኛ የሆነ ጠቀሜታ እንዳለው መምሪያው ባደረገው የግምገማ መርሐ ግብር ለማወቅ ችሎአል፡፡ መምሪያው የወጣቶችን መምሪያ እንደመሆኑ መጠን ሁሉም ወጣቶች ሰንሰለታዊ ግንኙነትና ሕብረት እንዲኖራቸው በየደረጃው ከመንበረ ፓትርያርክ ጀምሮ እስከ አጥቢያ ድረስ የሰ/ት/ቤቶች ጠቅላላ ጉባኤ ፈጥረው ልምዳቸውን የሚለዋወጡበት፣ ችግራቸውን በጋራ መፍትሔ የሚፈልጉበት መንገድ ማመቻቸት ዘመኑ የሚጠይቀው ወሳኝ ምዕራፍ ስለሆነ ከመንበረ ፓትርያርክ ማለት ከሀገር አቀፍ የሰ/ት/ቤቶች አንድነት ጠቅላላ ጉባኤ ጀምሮ እስከ ወረዳ አቀፍ የሰ/ት/ቤቶች አንድነት ጠቅላላ ጉባኤ ድረስ ቃለ ዓዋዲውና በቅዱስ ሲኖዶስ የጸደቀው የማደራጃ መምሪያ መተዳደሪያ ደንብ መሠረት በማድረግ በየደረጃው አደረጃጀቶች እንዲኖሩ ተደርገዋል፡፡

እስከ አሁን ድረስ ያሰገኘው ጠቀሜታ ሲታይም እጅግ ተስፋ ሰጪ እና ለወደፊት የበለጠ ማጠናከር እንደሚገባ የሚያመላክት ነው፡፡

ዘመኑ የቴክኖሎጂ ዘመን እንደመሆኑ መጠን ወጣቱ ደግሞ የዘመኑ ቴክኖሎጂ ባለቤት ስለሆነ ይህንን ቴክኖሎጂ በመጠቀም ሀገር አቀፋዊ ግንኙነቱና አንድነቱ አጠናክሮና ጠብቆ እንዲሄድ ለማድረግም ከሰ/ት/ቤቶች በተገኙ ምሁራን ባለሙያዎች ለሁለት ዓመታት የተደከመበት መሪ ዕቅድ /ስትራቴጂክ ፕላን/ ተዘጋጅቶ ቅዱስ አባታችንና ብፁዓን አበው ሊቃነ ጳጳሳት እንዲሁም ከየአኅጉረ ስብከቱ የመጡ የሰ/ት/ቤቶች ተወካዮችና ጥሪ የተደረገላቸው እንግዶች በተገኙበት በዓመታዊ የሰ/ት/ቤቶች መደበኛ ጉባኤ ላይ በይፋ ካጸደቀ ሁለት ዓመታት አልፎአል፡፡

ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት
ብፁዕ አቡነ ማቴዎስ የጠቅላይ ቤተ ክህነት ዋና ሥራ አስኪያጅና የወላይታ፣ ኮንታና ዳውሮ አኅጉረ ስብከት ሊቀ ጳጳስ፤
ብፁዕ አቡነ ቀሌምንጦስ የሰንበት ት/ቤቶች ማደራጃ መምሪያ የበላይ ሊቀ ጳጳስ፣ የስልጤ ጉራጌ ሐድያና ከንባታ አኅጉረ ስብከት ሊቀ ጳጳስ
ብፁዓን አበው ሊቃነ ጳጳሳት
ክቡራን የየመምሪያው እና የየድርጅቶች ኃላፊዎች
ክቡራን ጥሪ የተደረገላችሁ የዚህ ጉባኤ የክብር እንግዶች
ክቡራን የ50 አኅጉረ ስብከት የሰንበት ት/ቤቶች ኃላፊዎችና ከመላ ሀገሪቱ የተወከላችሁ የሰንበት ት/ቤቶች አንድነት ጠቅላላ ጉባኤ ተቀዳሚ ምክትልና ምክትል ሰብሳቢዎች
ክቡራን የአዲስ አበባ ሀገረ ስብከት አድባራትና ገዳማት የሰንበት ት/ቤቶች ሊቃነ መናብርት፤
በአጠቃላይ በዚህ ጉባኤ የተገኛችሁ ወንድሞችና እኅቶች
እንኳን ለ4ኛ የሰንበት ትምህርት ቤቶች አንድነት ጠቅላላ ጉባኤ አደረሰን አደረሳችሁ፡፡ እንኳን ደህና መጣችሁ


ቅድስት ቤተ ክርስቲያናችን ሐዋርያዊት፣ ታሪካዊትና ብሔራዊት ቤተ ክርስቲያን በመሆንዋ መንጋዋን ለመጠበቅ ያለባት ኃላፊነትም በዚሁ መጠን ስፋትና ጥልቀት ያለው መሆኑ በግልጽ ይታወቃል፡፡

 በተጨማሪ ያንብቡ…

የብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወዕጨጌ ዘመንበረ ተክለ ሃይማኖት መልእክት በመንበረ ጸባኦት ቅድስት ሥላሴ ካቴድራል

በስመ አብ ወወልድ ወመንፈስ ቅዱስ አሐዱ አምላክ፡፡
አሜን!!

"ዘሰ አምነኒ በቅድመ ሰብእ አነኒ አአምኖ በቅድመ አቡየ ዘበሰማያት"

"በሰው ፊት ያመነኝን ሰው እኔም በሰማያዊ አባቴ ፊት አምነዋለሁ" የቅዱስ ማቴዎስ ወንጌል 10፡ 32

  • ብፁዓን አበው ሊቃነ ጳጳሳት

  • የተከበራችሁ ሊቃውንተ ቤተ ክርስቲያን፣

  • የሰንበት ትምህርት ቤቶች አባላት ወጣቶች

  • ምእመናንና ምእመናት

ቤተ ክርስቲያን ከተመሠረተችበት ጊዜ ጀምሮ መሥዋዕትነት አብሯት የኖረ ታሪክ ነው፡፡ የኢትዮጵያ ኦርቶዶክስ ተዋሕዶ ቤተ ክርስቲያንም በልዩ ልዩ ዘመናት ልጆቿ በግፍ ተገድለው ሰማዕትነትን ተቀብለዋል፡፡

በስድስተኛው ክፍለ ዘመን በናግራን፣ በዘጠነኛው ክፍለ ዘመን በዮዲት ጉዲት፣ በዐሥራ አምስኛው ክፍለ ዘመን በግራኝ አሕመድ፣ በዐሥራ ዘጠነኛውና ሃያኛው ክፍለ ዘመን በውጭ ወራሪ ኃይሎች በርካታ የሰማዕትነት ታሪኮች አልፈዋል፡፡

ይሁን እንጂ በሁሉም ዘመን የተነሡባት አሳዳጆችና ገዳዮች ከነታሪካቸው ሲጠፉ ቅድስት ቤተ ክርስቲያን በአምላኳ ጥበቃና በልጆቿ ጽናት ሰማዕታቷን አክብራ ለሰው ልጅ መንፈሳዊ ሀብትን እያደለች አሁንም አለች ወደፊትም ትኖራለች፡፡

ዛሬ እነዚህ የኢትዮጵያ ኦርቶዶክስ ተዋሕዶ ቤተ ክርስቲያን ወጣቶች በጠባቡ በር ተጉዘው በደማቸው ማሕተም ወደ መንግሥተ ሰማያት የገቡ የሃያ አንደኛው ክፍለ ዘመን የክርስትና እምነት ጽኑ ምስክሮች ናቸው፡፡

የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስም ለእነዚህ ልጆቻችን ቀኖና ቤተ ክርስቲያን በሚፈቅደው መሠረት የሚገባውን የሰማዕትነት ቀኖና ሥነ ሥርዓት በቅርቡ በማከናወን ለመላው ዓለም ያሳውቃል፡፡

ስለዚህ የክርስቶስ ቤተ ሰቦች የሆናችሁ ክርስቲያኖች ሁሉ በዚህ አረመኔያዊ ወንጀል ሳትደናገጡ አሸባሪነትን በአንድነት ሆናችሁ በማውገዝና በመከላከል የተጀመረውን ተቃውሞ ትርጉም ባለውና አፋጣኝ በሆነ መንገድ ልንፈጽመው እንደሚገባ ማሳሰብ እንወዳለን፡፡

የተወደዳችሁ የመንፈስ ቅዱስ ልጆቻችን

አሸባሪነት ሃይማኖት የለውም፣ በዕውቀትና በበሳል አእምሮ የሚከናወን ተግባርም አይደለም፣ የድርጊቱ ፈጻሚዎችም የተረጋጋ ሥነ ልቦና ያላቸው ሊሆኑ አይችሉም፡፡ ብሶት ያለባቸው ሰዎች እንደሚያደርጉት ያለ የነፃነት ትግልም አይደለም፡፡

 በተጨማሪ ያንብቡ…

ቃለ በረከት ዘብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወዕጨጌ ዘመንበረ ተክለ ሃይማኖት ዘተናገረ በእንተ ትንሣኤሁ ለእግዚእነ ወአምላክነ ወመድኃኒነ ኢየሱስ ክርስቶስ ሎቱ ስብሐት፡፡


በስመ አብ ወወልድ ወመንፈስ ቅዱስ አሐዱ አምላክ አሜን ፡፡

  • በሀገራችን በኢትዮጵያ በገጠርና በከተማ የምትኖሩ፣

  • ከሀገር ውጭ በተለያዩ አህጉር የምትገኙ፤

  • የሀገራችንን ዳር ድንበር ለመጠበቅና ለማስከበር በየጠረፉ የቆማችሁ፤

  • በሕመም ምክንያት በየሆስፒታሉ ያላችሁ፤

  • እንዲሁም የሕግ ታራሚዎች ሆናችሁ በየማረሚያ ቤቱ የምትገኙ ኢትዮጵያውያንና ኢትዮጵያውያት፤

በሞትና በመቃብር ላይ ሥልጣን ያለው ኃያሉና አሸናፊው ጌታችንና መድኃኒታችን ኢየሱስ ክርስቶስ እንኳን ለብርሃነ ትንሣኤው በሰላም አደረሳችሁ ፡፡

‹‹ወበከመ በእንተ አዳም ኵልነ ንመውት ከማሁ በክርስቶስ ኵልነ ነሐዩ፤ ሁላችን በአዳም እንደምንሞት እንደዚሁም ሁላችን በክርስቶስ ሕያዋን እንሆናለን›› (1ቆሮ. 15÷22)፡፡

እዚህ ላይ በተገለፀው ቃለ እግዚአብሔር መሠረት የሰዎች መጻኢና የመጨረሻ ዕድል ከሁለት አዳማዊ ውርስ ጋር የተያያዘ ሆኖ ይገኛል ፡፡

 በተጨማሪ ያንብቡ…

የኢትዮትዮጵያ ኦርቶዶክስ ተዋሕዶ ቤተ ክርስቲያን ሥነ ምግባርን በማስፋፋትና ሙስናን በመከላከል

የኢትየጵያ ኦርቶዶክስ ተዋሕዶ ቤተ ክርሲቲያን ሐዋርያዊት፣ ጥንታዊት፣ ታሪካዊትና ብሔራዊት መሆንዋ ለማንም የተሰወረ አይደለም፡፡ ይኸውም እንዲህ የሚያሰኛት ቤተ ክርስቲያንዋ የምትገለገለው በየቀኑ አዲስ በፈጠራ ቃል ሳይሆን በመንፈሳዊ ትምህርት በሚሰጠው ቀዋሚ ትምህርት ነው፡፡

የቤተ ክርስቲያናችን ጥንታዊ ትምህርት ቤት በማናቸውም ጊዜ ኢትዮጵያዊ መልኩንና ጠባዩን ሳይለውጥ መስመሩንም ሳይለቅና የሕዝቡን አንድነት ሳያላላ በረዥሙ የታሪክ ጐዳና እየተጓዘ እስከ ዘመናችን የደረሰና የሚቀጥል ነው፡፡ ቀዋሚው መንፈሳዊ ትምህርት ቤትም ማለት በሥነ ጽሕፈት፣ በዜማ፣ በሥነ ጥበብ፣ በሥነ ቅኔ ውብና ድንቅ የሆኑ ሥራዎችን ማበርከቷ አይካድም፡፡በህብረተሰቡም ማህበራዊና መንፈሳዊ ኑሮ ጽኑ መሠረት አኑራለች፡፡ ኢትዮጵያን ነጸነታቸውን ጠብቀው በአንድነት እንዲኖሩ የሚያስችል ሃይማኖታዊ ትምህርት፣ ፍቅረ፣ ሀገር ስትሰጥበት ኖሮአል አሁንም እየተሰጠችበት ነው፡፡

የኢትዮጵያ ቤተ ክርስቲያን ብዕር ቀርጻ፣ ብራና ዳምጣ፣ የእምነት መጻሕፍትን በራስዋ ቋንቋ በግእዝ ጽፋ መንፈሳዊ መገልገያ ከማደረግዋም ሌላ ቤተ ክርስቲያንዋ ዋና ለሀገሪቱን የቅርስ ባለቤት በማድረግ በውስጥም በውጭም እየተጎበኘች ትገኛለች፡፡ ቤተ ክርስቲያናችን በዓለም ከምትታወቅባቸው አንዱ ለሀገራችን ያበረከተችው የራሷ የሆነ የዘመን አቆጣጠር ሥርዓት ያለትና ይህም ከሌላው ዓለም ለየት የሚያደርጋት በመሆኑ ትልቅ ሥፍራ ሊሰጠው ይገባል፡፡ በዚህ የዘመን አቆጣጠር ሂደት መሠረትም ቤተ ክርስቲያናችን ባሳለፈችው የብሉይና የሐዲስ ዘመን ዓመታት ዓለምን ያስደመመ ታሪክ ያላት ለኢትዮጵያና ለኢትዮጵያውያን እንዲሁም ለዓለም ሕዝብ ያበረከተችውን በየዓመቱ የሚከበሩ በሌላው ዓለም የሌሉ በሀገራችን ብቻ (የሚከበሩ) ከፍተኛ የቱሪስት ፍሰት የሚታይባቸው ሃይማኖታዊ አገልግሎቶች በሰፊው ገልጣ የምታቀርብበት ያለ ነው፡፡

 በተጨማሪ ያንብቡ…

የብፁዕ ወቅዱስ ፓትርያሪክ በዓለ ሢመት በታላቅ መንፈሳዊ ድምቀት ተከበረ

የብፁዕ ወቅዱስ አቡነ ማትያስ ቀዳማዊ ፓትርያሪክ ርዕሰ ሊቃነ ጳጳሳት ዘኢትዮጵያ፤ ሊቀ ጳጳስ ዘአክሱም፤ ወዕጨጌ ዘመንበረ ተክለ ሃይማኖት ሁለተኛው በዓለ-ሢመት የካቲት 24 ቀን 2007 ዓ/ም ብፁዓን ሊቃነ ጳጳሳት፤ የሃይማኖት መሪዎች፤ የመንግሥት ባለ ሥልጣናት፤ አምባሳደሮች፤ የጠቅላይ ቤተ ክህነት የየመምሪያ ኃላፊዎች፤ የድርጅት ኃላፊዎች፤ የኮሌጅ ኃላፊዎች፤ የአዲስ አበባ ሀገረ ስብከት ገዳማትና አድባራት አስተዳዳሪዎች፤ ሠራተኞች፤ ሊቃውንተ ቤተ ክርስቲያን ካህናት፤ ምዕመናንና ምዕመናት በተገኙበት በታላቅ መንፈሳዊ ድምቀት ተከበረ።

Picture 003 Picture 005 Picture 013 Picture 025 Picture 026 Picture 032 Picture 037 Picture 040 Picture 042 Picture 044 Picture 046 Picture 047 Picture 049 Picture 050 Picture 057 Picture 061 Picture 063 Picture 064 Picture 072 Picture 074 Picture 088 Picture 100 Picture 101 Picture 106 Picture 111 Picture 112 Picture 116 Picture 118 Picture 119 Picture 126 Picture 129 Picture 132 Picture 134 Picture 138 Picture 142

በዓለ-ሢመቱ ቤተ ክርስቲያናችን የራሷን የፕትርክና ሥልጣን የያዘችበት ጊዜ ጀምሮ ሲከበር ብዙ ዓመታትን ያስቆጠረ ሲሆን ስድስት ፓትርያርኮች ተፈራርቀውበታል። ስድስተኛው ፓትርያሪክ ብፁዕ ወቅዱስ አቡነ ማትያስ ቀዳማዊ ፓትርያሪክ ርዕሰ ሊቃነ ጳጳሳት፤ ሊቀ ጳጳስ ዘአክሱም ወዕጨጌ ዘመንበረ ተክለ ሃይማኖት ሲሆኑ ይኽ ለሁለተኛ ጊዜ የሚከበረው በዓለ ሢመት ነው። በዓለ ሢመቱ ካለፈው ዓመት በብዙ ገጽታው ልዩ መሆኑ ተስተውሏል። የክብር እንግዶችና የታዳሚዎቹ ብዛት አንዱ የበዓሉ ልዩ ገጽታው ሲሆን የቅዱስ ሲኖዶስ አባላት ብፁዓን ሊቃነ ጳጳሳት ከየሀገረ ስብከታቸው በመምጣት እጅግ በብዛት የተገኙበት ታላቅ በዓል ነው። የበዓሉ ታዳሚዎችና የክብር እንግዶች ቁጥር ቀድሞ ከሚታወቀው በላይ መሆኑ በዓሉን ልዩ አድርጎታል።

ክፍል 1

ክፍል 2

 

 በተጨማሪ ያንብቡ…

የኢትዮጵያ ኦርቶዶክስ ተዋሕዶ ቤተ ክርስቲያንና የግብጽ ኦርቶዶክ ቤተ ክርስቲያን ግንኙነት

በአባ ኃ/ማርያም መለሰ /ዶ.ር/
በኢ.ኦ.ተ.ቤ የመንበረ ፓትርያርክ ጠቅላይ
ጽ/ቤት ም/ጠ/ሥ/አስኪያጅ

የኢትዮጵያ ኦርቶዶክስ ተዋሕዶ ቤተ ክርስቲያን ከውጭው ዓለም ጋር ጥንታዊና የቆየ ግንኙነት አላት ጥንታዊው ግንኙነት በአሁኑ ጊዜ ካለፈው በበለጠ እያደገና እየተስፋፋ በመሄድ ላይ ነው፡፡
የኢትዮጵያ ኦርቶዶክስ ተዋሕዶ ቤተ ክርስቲያንና የግብጽ ኦርቶዶክስ ቤተ ክርስቲያን በአፍሪካ አኅጉር የሚገኙ ጥንታውያን አኃት አብያተ ክርስቲያናት ናቸው የሁለቱ ግንኙነት ሃይማኖታዊና ተፈጥሮአዊ ነው፡፡ ትሥሥሩ በክርስትናው በኲል ከ2ሺህ ዓመታት በላይ ሲሆን በተፈጥሮ ደግሞ ግዮን /አባይ/ መፍሰስ ከጀመረበት ጊዜ ጀምሮ ነው፡፡

በተለይም በአራተኛው መቶ ክፍለ ዘመን ቅዱስ ፍሬምናጦስ /አባ ሰላማ/ ማዕረገ ጵጵስናን እስክንድርያ ውስጥ ከቅዱስ አትናቴዎስ ተቀብሎ ከተመለሰ በኋላ ክርስትና በይፋ የመንግሥት ሃይማኖት በመሆን በሀገራችን በስፋት ተሰበከ ሆኖም በሐዋርያት ሥራ 8÷26-40 እንደ ተመለከተው ቀደም ሲል በ34 ዓ.ም በኦሪት እምነት መሠረት ለስግደት ኢየሩሳሌም ደርሶ ሲመለስ ጋዛ አካባቢ በፊልጶስ አስተማሪነት አምኖና ተጠምቆ ወደ ሀገሩ የተመለሰው የንግሥት ሕንዳኬ ጃንደረባ /በጅሮንድ/ የክርስትናን ዜና በቤተ መንግሥትና በአካባቢው ያሰማና ያስፋፋ መሆኑ አይዘነጋም፡፡

እንደሚታወቀው የክርስትናው ዓለም በባህል በቋንቋ በአህጉር በተለያዩ ሕዝበ ክርስቲያን አንድነት ላይ የተመሠረቱ አብያተ ክርስቲያናት የሚገኙበት ሰፊ ዓለም ነው፡፡ በዚህ ሰፊ ዓለም ላይ ተራርቀው በሚገኙ አብያተ ክርስቲያናት መካከል የእርስ በርስ ትውውቅና ትብብር ሊኖር የሚችለው ዓለም አቀፍ ግንኙነት ማድረግ ሲቻል ነው፡፡ የውጭ ግንኙነት የሚባለውም ይህ ዓይነቱ ዓለም አቀፍ ግንኙነት ነው፡፡ የኢትዮጵያ ኦርቶዶክስ ተዋሕዶ ቤተ ክርስቲያንና የኮፕት ኦርቶዶክስ ቤተ ክርስቲያን ግንኙነት የሃይማኖትና የተፈጥሮ /በኣባይ/ ነው በነዚህና በመሰሳሉት ትስስር ምክንያት ከግብፅ ኦርቶዶክስ ቤተ ክርስቲያን ጋር ያለን ግንኙነትም ረጅም ዘመንን ያስቆጠረ ነው፡፡

 በተጨማሪ ያንብቡ…

የትውልድ ቅብብሎሽ

በቀሲስ ቃለጽድቅ አሰፋ

"ትውልድ ይመጽ ወትውልድ የሐልፍ" ይላል መጽሐፍ እግዚአብሔር ዓለምን ከመሠረተ የሰውን ልጅ ከፈጠረበት ጊዜ ጀምሮ የሉላትን ስናስተውል እጅግ አስደናቂ የሆኑ ነገሮችን እንመለከታለን ግን ሞት ባይኖር ምን ይሆን ነበር ብለን ብንጠይቅ ቅዱሳት መጻሕፍት ከሚያስረዱን ውጪ አንዳች ማወቅ አንችልም፡፡ ምናልባትም መሬት ትሞላና ትጠባለች የሚል ተራ ወሬ ከማውራት በቀር የመወለድና የመሞት ህግ ግን አስገራሚ ነው፡፡

የትውልድ ቅብብሎሽም በዚሁ መልኩ በመወለድና በመሞት ሥርዓት የሚኖር ነው፡፡ ይህም ሥርዓት በሞት መጉደልን ሲያመጣ በልደት ይሞላል በዚህም ሒደት ውስጥ ሰጭና ተቀባይ አለ ማለት ነው፡፡ አባት ለልጁ ሲሰጥ የዛሬው ልጅ የነገ አባት ነውና ለቀጣዩ ያስተላልፋል፡፡ ይህ ቅብብሎሽ ከአንዱ ትውልድ ወደ ሌላው ትውልድ እያለ ይቀጥላል ሁኔታው ላይቋረጥ ቢችልም ግን የሚሰጠው የሚወረሰው ሊለያይ ይችላል ቅብብሎሽ ግን መለኮታዊ ስሪት /እጅ/ ያለበት ስለሆነ እርሱ በቃ ሲል ብቻ ይቆማል፡፡

በዚህ ቅብብሎሽ ውስጥ ሰጭና ተቀባይ እንመለከታለን ሰጪ የሚቀድም ሲሆን ተቀባይ ደግሞ ተከታይ ነው፡፡ በዚህም ሥር ስርዓት መሠረት ተቀባይ ያለውን እሴት ሁሉ የአባቶቼ በማለት ይናገራል፡፡ የአባቶቼ ባሕል የአባቶቼ ሃይማኖት የአባቶቼ ሀገር፣ የአባቶቼ ሀብት በማለት ይገልጸዋል፡፡ ይህም የሚያሳየው ሰጭና ተቀባይ መኖሩን ነው፡፡ በሰጭና በተቀባይ መካከል ግን መደማመጥ ካልመጣ እሴቶቹ ለአደጋ ይጋለጣሉ፣ ሃይማኖቱ፣ ባሕሉ፣ ሀገሩ፣ ሀብቱ ሁሉ እንከን ይገጥመዋል፡፡

በመሠረቱ የወደፊት ነገሮችን በትክክል ለመናገር የሚቻለው ዛሬ ላይ ያለወን ወጣት በትክክለኛ መስመርና አቅጣጫ መምራት ሲቻል ነው፡፡ ወጣት ማለት የትናንትናውን ከነገው ትውልድ ጋር ማገናኘት የሚችል ድልድይ ነው፡፡ ወጣትን ማእከል ያላደረገ ለዛሬ ብቻ ይተገበር ይሆናል፡፡ እንጂ ለነገ ማስቀጠል ግን አይታሰብም፡፡

  • ወጣት የሌላት ቤተ ክርስቲያን ነገን ማየት አትችልም

  • ወጣት ቤተ ክርስቲያን ቀጣይነቷን የምታረጋግጥበት አዲስ ደም ነው

 በተጨማሪ ያንብቡ…

ቃለ በረከት ዘእምኀበ ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአኵስም ወዕጨጌ ዘመንበረ ተክለ ሃይማኖት ዘተናገረ በእንተ በዓለ ልደት ዓቢይ ዘእግዚእነ ወአምላክነ ወመድኃኒነ ኢየሱስ ክርስቶስ ሎቱ ስብሐት ፡፡

በስመ አብ ወወልድ ወመንፈስ ቅዱስ አሐዱ አምላክ
አሜን!!

  • በሀገራችን በኢትዮጵያ በገጠርና በከተማ የምትኖሩ፤

  • ከሀገር ውጭ በተለያዩ አህጉር የምትገኙ፤

  • የሀገራችንን ዳር ድንበር ለመጠበቅና ለማስከበር በየጠረፉ የቆማችሁ፤

  • በሕመም ምክንያት በየሆስፒታሉ ያላችሁ፤

  • እንዲሁም የሕግ ታራሚዎች ሆናችሁ በየማረሚያ ቤቱ የምትገኙ ኢትዮጵያውያንና ኢትዮጵያውያት፤

የዘለዓለም አባት፣ የሰላም አለቃ፣ ስሙም ድንቅ መካርና ኃያል አምላክ የሆነው ጌታችን፣ አምላካችንና መድኃኒታችን ኢየሱስ ክርስቶስ እንኳን ለሁለት ሺሕ ሰባት ዓመተ ምሕረት በዓለ ልደቱ በሰላም አደረሳችሁ!!
‹‹ወውእቱ ቃል ሥጋ ኮነ ወኃደረ ላዕሌነ፤ ያ ቃል ሥጋ ሆነ፤ በእኛ ላይም አደረ›› (ዮሐ. 1፣14)

የተወደዳችሁ የመንፈስ ቅዱስ ልጆቻችን ምእመናንና ምእመናት!

የጌታችን፣ የአምላካችንና የመድኃኒታችን የኢየሱስ ክርስቶስን በዓለ ልደት ስናከብር ከሁሉ በፊት የእርሱን ማንነት በማውሳት፣ በመረዳትና የእምነት ግብረ መልስን በመስጠት ልናከብር እንደሚገባ መገንዘቡ ተገቢ ነው፤

 በተጨማሪ ያንብቡ…

ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት ርእሰ ዓውደ ዓመትን (አዲስ ዓመትን) ምክንያት በማድረግ ያስተላለፉት ቃለ በረከት፤

በስመ አብ ወወልድ ወመንፈስ ቅዱስ አሐዱ አምላክ አሜን

  • በሀገራችን በኢትዮጵያ በገጠርና በከተማ የምትኖሩ፤

  • ከሀገር ውጭ በተለያዩ አህጉር የምትኖሩ፤

  • የሀገራችንን ዳር ድንበር ለመጠበቅና ለማስከበር በየጠረፉ የቆማችሁ፤

  • በሕመም ምክንያት በየሆስፒታሉ ያላችሁ፤

  • እንዲሁም የሕግ ታራሚዎች ሆናችሁ በየማረሚያ ቤቱ የምትገኙ ኢትዮጵያውያንና ኢትዮጵያውያት፤

የመልካም ስጦታ ሁሉ ባለቤት የሆነው እግዚአብሔር አምላክ እንኳን ከ2006 ዓመተ ምሕረት ዘመነ ማርቆስ ወደ 2007 ዓመተ ምሕረት ዘመነ ሉቃስ በሰላም አደረሳችሁ፡፡

 

                                               

aba mathias

  

 

‹‹ ወዓመቲከኒ ዘኢየኃልቅ፤ ዘመንህም አያልቅም (መዝ 101÷27)

ሁሉን ፈጥሮ የሚመግብ እግዚአብሔር አምላክ በባህርዩ ፍጹም ነውና በእርሱ ዘንድ ኅልፈት፤ መለወጥ፤ ማርጀትና የዘመን ፍጻሜ የለም፡፡

 በተጨማሪ ያንብቡ …

ብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት ጾመ ማርያምን ምክንያት በማድረግ ያስተላለፉት ቃለ በረከት

በስመ አብ ወወልድ ወመንፈስ ቅዱስ አሐዱ አምላክ አሜን

የተወደዳችሁ በሀገር ውስጥና በውጭ ሀገር የምትኖሩ ሕዝበ ክርስቲያን በአጠቃላይ እግዚአብሔር አምላክ እንኳን ለ2006 ዓ.ም ጾመ ማርያም በሰላም አደረሳችሁ፡፡

"ወዘሰ እንተ አንቀጽ ይበውእ ኖላዊ ዓባግዕ ውእቱ"
በበሩ የሚገባ የበጎች እረኛ ነው /ዮሐ.10፡2/

 

                                                                         
          
Picture 280

በብሉይ ኪዳን የበጎች እውነተኛ እረኛ እንደሆነ በብዙ ስፍራ የተነገረለት መሢሕ አንድ ቀን በዓለም እንደሚገለጽና በጎቹን በትክክል እንደሚጠብቅ በሕዝበ እግዚአብሔር ዘንድ የታወቀና የታመነ ነበረ /ሕዝ. 34፡1-24/

እግዚአብሔር ያስቀመጠው ቀመረ ዘመን ሲደርስ እውነተኛው እረኛ ክርስቶስ በተነገረለት በር በኩል ወደዚህ ዓለም መጣ፤

ይኸ በር የቅድስት ድንግል ማርያም ቅዱስ ማኅፀን ነበረ /ሕዝ. 44፡2-3/

በኦርቶዶክሱ ዓለምና በሌሎች ጥንታውያን አብያተ ክርስቲያናት የምንገኝ ክርስቲያኖች ቅድስት ድንግል ማርያምን ከእግዚአብሔር በታች፣ ከፍጡራን በላይ፣ ከፍ አድርገን የምናከብርበት ዋና ምክንያት ድንግል ማርያም የዓለም መድኅን የክርስቶስ መግቢያ በርና ለሰው ልጅ የድኅነት ምክንያት ስለሆነች ነው፡፡

 በተጨማሪ ያንብቡ …

More Articles...

የፎንት ልክ መቀየሪያ