Get Adobe Flash player

ከኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ የተሰጠ መግለጫ

ጥቅምት 16 ቀን 2009 ዓ.ም. በስመ አብ ወወልድ ለመንፈስ ቅዱስ አሐዱ አምላክ አሜን የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ ጉባኤ፣...

35ኛው አጠቃላይ የሰበካ መንፈሳዊ መደበኛ ስብሰባ ከጥቅምት 7-10 ቀን 2009 ዓ.ም ሲካሄድ የቆየው ተጠቃቀ፡፡

በመምህር ዕንቈባሕርይ ተከስተ ዘመናትን በዘመናት የሚተካ እግዚአብሔር አምላክ 2008 ዓ.ም ዘመነ ዮሐንስን አሳልፎ ለ2009 ዓ.ም ዘመነ ማቴዎስ አደርሶናል፡...

ብፁዕ ወቅዱስ አቡነ ማትያስ ፓትርያርክ ርእሰ ዓውደ ዓመትን ምክንያት በማድረግ በመላ ሃገሪቱ ጸሎት እንዲደረግ ለሁለተኛ ጊዜ መመሪያ አስተላለፉ፤

በመምህር ሙሴ ኃይሉ በቤተ ክርስቲያናችን ትውፊት ተጠብቆ የቆየውን እና በየዓመቱ የሚከናወነውን የእንኳን አደረስዎ መርሐ ግብር የዘንድሮ ዘመን መለወጫ በዓለ ...

ቃለ በረከት ዘእምኀበ ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወዕጨጌ ዘመንበረ ተክለ ሃይማኖት ዘተናገረ በበዓለ ርእሰ ዐውደ ዓመት ዘዕሥራ ምእት ወተስዓቱ ዓመተ ምሕረት፡፡

በስመ አብ ወወልድ ወመንፈስ ቅዱስ አሐዱ አምላክ አሜን ፡፡ በሀገራችን በኢትዮጵያ በገጠርና በከተማ የምትኖሩ፣ ከሀገር ውጭ በተለያዩ አህጉር የምትገኙ፤ ...

ብፁዕ ወቅዱስ አቡነ ማትያስ ፓትርያርክ የደብረ ሊባኖስ ገዳምን ጐበኙ፡፡

በገዳሙ የተሠሩ የተለያዩ የልማት ሥራዎችን መርቀዋል፡፡ በመምህር ሙሴ ኃይሉ ብፁዕ ወቅዱስ አቡነ ማትያስ ቀዳማዊ ፓትርያርክ፣ ርእሰ ሊቃነ ጰጳሳ...

  • ከኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ የተሰጠ መግለጫ

    Thursday, 27 October 2016 06:16
  • 35ኛው አጠቃላይ የሰበካ መንፈሳዊ መደበኛ ስብሰባ ከጥቅምት 7-10 ቀን 2009 ዓ.ም ሲካሄድ የቆየው ተጠቃቀ፡፡

    Tuesday, 25 October 2016 06:40
  • ብፁዕ ወቅዱስ አቡነ ማትያስ ፓትርያርክ ርእሰ ዓውደ ዓመትን ምክንያት በማድረግ በመላ ሃገሪቱ ጸሎት እንዲደረግ ለሁለተኛ ጊዜ መመሪያ አስተላለፉ፤

    Thursday, 15 September 2016 11:54
  • ቃለ በረከት ዘእምኀበ ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወዕጨጌ ዘመንበረ ተክለ ሃይማኖት ዘተናገረ በበዓለ ርእሰ ዐውደ ዓመት ዘዕሥራ ምእት ወተስዓቱ ዓመተ ምሕረት፡፡

    Thursday, 15 September 2016 11:50
  • ብፁዕ ወቅዱስ አቡነ ማትያስ ፓትርያርክ የደብረ ሊባኖስ ገዳምን ጐበኙ፡፡

    Wednesday, 07 September 2016 09:51

የካቲት 22 ቀን 2008 ዓ.ም.

በስመ አብ ወወልድ ወመንፈስ ቅዱስ አሐዱ አምላክ አሜን

  • ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት
  • ብፁዓን ሊቃነ ጳጳሳት
  • የመንበረ ፓትርያርክ ጠቅላይ ጽ/ቤት የመምሪያና የድርጅት ኃላፊዎችና ሠራተኞች
  • የአዲስ አበባ ሀገረ ስብከት የሥራ ኃላፊዎችና ሠራተኞች
  • የአዲስ አበባ ገዳማትና አድባራት አስተዳዳሪዎች
  • ሊቃውንተ ቤተ ክርስቲያን
  • የሟች ቤተ ሰቦችና ዘመድ ወዳጅ
  • በአጠቃላይም በሊቀ ትጉሃን ገብረ ክርስቶስ ኃይለ ማርያም የቀብር ሥነ ሥርዓት አፈጻጸም መርሐ ግብር ላይ የተገኛችሁ ሁላችሁ

ከዚህ በመቀጠል የሊቀ ትጉሃን ገብረ ክርስቶስ ኃይለ ማርያምን አጭር የሕይወት ታሪክ እናሰማለን።

 በተጨማሪ ያንብቡ…

ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት ከብፁዕ ወቅዱስ ፖፕ ፋራንሲስ በተደረገላቸው ሐዋርያዊ የጉብኝት ጥሪ መሠረት ወደ ቫቲካን ከተማ በመጓዝ የአራት ቀናት ሐዋርያዊ ጉብኝት አድርገዋል፡፡

በዚሁ ጉብኝት ቅዱስ ፓትርያርኩ ከብፁዕ ወቅዱስ ፖፕ ፋራንሲስ ጋር እንዲሁም ከሌሎች የቫቲካን ከተማና የቤተ ክርስቲያኒቱ ከፍተኛ ባለሥልጣናት ጋር በልዩ ልዩ ሃይማኖታዊና ማኅበራዊ ርዕሰ ጉዳዮች ሰፊ ውይይቶችን አድርገዋል፡፡

Picture 003 Picture 034 Picture 087 Picture 172 Picture 217 Picture 247 Picture 259 Picture 265 Picture 285 Picture 440 Picture 446 Picture 467 Picture 470 Picture 512 Picture 515 Picture 523 Picture 530 Picture 535 Picture 539 Picture 556

በውይይታቸው በሁለቱ ጥንታውያን ዓለም አቀፍ አብያተ ክርስቲያናት መካከል የነበሩ ቀደምት ግንኙነቶች ስለሚቀጥሉበትና ስለሚጠናከሩበት፣ እንዲሁም በጋራ በመሆን በዓለም ሰላም፣ በሰው ልጆች ደኅንነት በአካባቢ ጥበቃ፣ በአየር ንብረት ለውጥ ምክንያት ስለተከሰቱ የድርቅ አደጋዎችና አክራሪነትን በተመከከቱ ጉዳዮች አብረው ስለሚሠሩበት ሁኔታ ተወያይተዋል፡፡
በሁለቱ ቅዱሳን አባቶች መካከል በተደረገው በዚሁ ውይይት አስቀድመው ብፁዕ ወቅዱስ አቡነ ማትያስ ቀዳማዊ ፓትርያርክ ዘኢትዮጵያ ለፖፕ ፍራንሲስ ባደረጉት ንግግር ጉብኝታቸው ቀደም ሲል የነበሩ አባቶች ያደርጉት የነበረውን መልካም ግንኙነት ፈለግ በመከተል የተደረገ፣ በሁለቱ አብያተ ክርስቲያናት መሪዎች መካከል ያለውን ወንድማዊ ግንኙነት ለማጠናከር፣ በጋራ ሁነው ስለ ዓለም አቀፍ ጉዳዮች ድምጻቸውን ከፍ አድርገው ለማሰማት እንደሆነ ሲገልጹ፤ ፖፕ ፍራንሲስ በቅርቡ በአክራሪ ሽብርተኞች የተገደሉ ስደተኞች ኢትዮጵያውያን አስመልክተው ላስተላለፉት ፈጣን የማጽናኛ መልእክትና በሁለቱ አብያተ ክርስቲያናት መካከል ያለው ግንኙነት ለሚያደርጉት ልባዊ ድጋፍ ያላቸውን ምስጋና በኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ ስም ምስጋናቸውን አቅርበዋል፡፡

ፖፕ ፋራንሲስ በበኩላቸው ለቅዱስ ፓትርያርኩ ባደረጉት ንግግር በቅዱስነታቸው ጉብኝት ከፍተኛ ደስታ እንደተሰማቸው በመግለጽ ቅዱስ ፓትርያርኩ በሀገር ውስጥ የሃይማኖት ነፃነት፣ መከባበርና መቻቻል፣ እንዲሆን በሃይማኖት ተቋማት መካከል የሚደረጉ መልካም ግንኙነቶች እንዲጠናከሩ የሚያደርጉትን ጥረት አድንቀዋል፡፡

 በተጨማሪ ያንብቡ…

ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለሃይማኖት ከብፁዕ ወቅዱስ ፖፕ ፋራንሲስ በተደረገላቸው ሐዋርያዊ የጉብኝት ጥሪ መሠረት ወደ ቫቲካን ከተማ በመጓዝ የአራት ቀናት ሐዋርያዊ ጉብኝት አድርገዋል፡፡

በዚሁ ጉብኝት ቅዱስ ፓትርያርኩ ከብፁዕ ወቅዱስ ፖፕ ፋራንሲስ ጋር እንዲሁም ከሌሎች የቫቲካን ከተማና የቤተ ክርስቲያኒቱ ከፍተኛ ባለሥልጣናት ጋር በልዩ ልዩ ሃይማኖታዊና ማኅበራዊ ርዕሰ ጉዳዮች ሰፊ ውይይቶችን አድርገዋል፡፡

በውይይታቸው በሁለቱ ጥንታውያን ዓለም አቀፍ አብያተ ክርስቲያናት መካከል የነበሩ ቀደምት ግንኙነቶች ስለሚቀጥሉበትና ስለሚጠናከሩበት፣ እንዲሁም በጋራ በመሆን በዓለም ሰላም፣ በሰው ልጆች ደኅንነት በአካባቢ ጥበቃ፣ በአየር ንብረት ለውጥ ምክንያት ስለተከሰቱ የድርቅ አደጋዎችና አክራሪነትን በተመከከቱ ጉዳዮች አብረው ስለሚሠሩበት ሁኔታ ተወያይተዋል፡፡

በሁለቱ ቅዱሳን አባቶች መካከል በተደረገው በዚሁ ውይይት አስቀድመው ብፁዕ ወቅዱስ አቡነ ማትያስ ቀዳማዊ ፓትርያርክ ዘኢትዮጵያ ለፖፕ ፍራንሲስ ባደረጉት ንግግር ጉብኝታቸው ቀደም ሲል የነበሩ አባቶች ያደርጉት የነበረውን መልካም ግንኙነት ፈለግ በመከተል የተደረገ፣ በሁለቱ አብያተ ክርስቲያናት መሪዎች መካከል ያለውን ወንድማዊ ግንኙነት ለማጠናከር፣ በጋራ ሁነው ስለ ዓለም አቀፍ ጉዳዮች ድምጻቸውን ከፍ አድርገው ለማሰማት እንደሆነ ሲገልጹ፤ ፖፕ ፍራንሲስ በቅርቡ በአክራሪ ሽብርተኞች የተገደሉ ስደተኞች ኢትዮጵያውያን አስመልክተው ላስተላለፉት ፈጣን የማጽናኛ መልእክትና በሁለቱ አብያተ ክርስቲያናት መካከል ያለው ግንኙነት ለሚያደርጉት ልባዊ ድጋፍ ያላቸውን ምስጋና በኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ ስም ምስጋናቸውን አቅርበዋል፡፡

ፖፕ ፋራንሲስ በበኩላቸው ለቅዱስ ፓትርያርኩ ባደረጉት ንግግር በቅዱስነታቸው ጉብኝት ከፍተኛ ደስታ እንደተሰማቸው በመግለጽ ቅዱስ ፓትርያርኩ በሀገር ውስጥ የሃይማኖት ነፃነት፣ መከባበርና መቻቻል፣ እንዲሆን በሃይማኖት ተቋማት መካከል የሚደረጉ መልካም ግንኙነቶች እንዲጠናከሩ የሚያደርጉትን ጥረት አድንቀዋል፡፡

Read more...

የካቲት 3 ቀን 2008 ዓ/ም


እኛ የኢትዮጵያ ኣርቶዶክስ ተዋሕዶ ቤተክርስቲያን መንበረ ፓትርያርክ ጠቅላይ ጽ/ቤት የመምሪያና የድርጅቶች ኃላፊዎችና ምክትል ኃላፊዎች እንዲሁም የኮሌጆች ኃላፊዎች ዛሬ የካቲት 3 ቀን 2008 ዓ.ም ብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት በተገኙበት በቤተክርስቲያኒቱ ሁለንተናዊ ችግሮች ዙሪያ ሰፊ ውይይት አድርገናል፡፡

በውይይታችንም በኢትዮጵያ ኦርቶዶክስ ተዋሕዶ ቤተክርስቲያን በሃይማኖታዊ፣ በማኅበራዊና በኢኮኖሚያዊ ዘርፎች ዙሪያ የሚታዩ ጠንካራና ደካማ ጐኖች ተገምግመው በአፈጻጸም ወቅት የታዩ ጠንካራ ሥራዎች ተጠናክረው እንዲቀጥሉ፣ በአፈጻጸም ወቅት የታዩ ደካማ ሥራዎችም ተገቢው ክትትልና ድጋፍ እየተደረገላቸው የተጠናከረ ውጤት እንዲያመጡ ለማድረግ የሚያስችል ሥራ እንዲሠራ ማድረግ እንደሚገባ አምነንበታል፡፡ ቤተክርስቲያኒቱ አገልግሎቷን የበለጠ ለማስፋፋትና ለማዘመን ትችል ዘንድም መከተል በሚገባት የለውጥ ሂደት ዙሪያ በተደረገው ውይይት የጋራ መግባባት ላይ ተደርሷል፡፡

Picture 023 Picture 025 Picture 026 Picture 027 Picture 028 Picture 029 Picture 030 Picture 031 Picture 032 Picture 033 Picture 034 Picture 035 Picture 036 Picture 037

ከዚህም ጋር በእለቱ ከታዩት ጉዳዮች መካከል ማኅበረ ቅዱሳን በኀዳር ወር አጋማሽና በጥር ወር የመጀመሪያ አጋማሽ ቀናት ላይ በኢትዮጵያ ኦርቶዶክስ ተዋሕዶ ቤተክርስቲያን ኰሌጆችና በቤተክርስቲያኒቱ ተቅዋማት በአጠቃላይ በጻፈው ጋዜጣ በጀምላ በቤተክርስቲያኒያት ተቅዋማት በጅምላ በመናፍቅነት የፈረጀና የኮሌጆቹን ህልውና የተፈታተነ በመሆኑ በየኮሌጅቹ ያሉ አመራሮችና ደቀ መዛሙርትን በእጅጉ ያሳዘነ፣ ያስቆጣና ለፍትሕ ጥያቄ እንዲነሣሡ ያደረገ ጉዳይ መፈጠሩን ጉባኤው ተገንዝቧል፡፡

በዚህም ማኅበሩ የኮሌጆቹን ስም በማጥፋትና ሰድቦ ለሰዳቢ በመስጠት ኮሌጆቹ በሕዝበ ክርስቲያኑ ዘንድ በጥርጣሬ እንዲተዩ ለማድረግ በሌለው ሥልጣን በመናፍቅነት መፈረጁ አግባብነት የሌለው መሆኑን ጉባኤው በመገንዘብ ድርጊቱን በጽኑ ያለአንዳች የድምጽ ልዩነት አውግዞታል፡፡

 በተጨማሪ ያንብቡ…

በመ/ር ዕንቈባሕርይ ተከስት

ከብፁዕ ወቅዱስ ፓትርያርክ ልዩ ጽ/ቤት በቁጥር ል/ጽ/248/382/2008 በቀን 16/6/2008 ዓ.ም የወጣው መመሪያ የሚገልጸው የኢትዮጵያ ኦርቶዶክስ ተዋሕዶ ቤተ ክርስቲያን በኦርቶዶክሳዊ ትምህርተ ሃይማኖትና ሥርዓተ ቀኖና፣ ሐዋርያዊ ትውፊትና ባህል ጸንታ ለሁለት ሺህ ዓመታት መዝለቅ የቻለችው፣ እንደሌላው የኦርቶዶክሱ ዓለም በውሉደ ክህነት፣ በሊቀ ጳጳስ፣ ከዚያም እንደየደረጃው በሊቃውንተ ቤተ ክርስቲያን፣ በቀሳውስትና ዲያቆናት መዋቅራዊ አስተዳደርና አገልግሎት እንደሆነ የማይካድ ሐቅ መሆኑን ይገልጻል፤ ይሁን እንጂ በቤተ ክርስቲያን ሥር የተቋቋመው ማኅበረ ቅዱሳን ከላይ የተጠቀሱትን መሠረታዊ የቤተ ክርስቲያን መዋሮችን በመሻማትና ሌላ ሁለተኛ መዋቅር በማደራጀት እንደዚሁም ሌላ የገንዘብ ቋት በመፍጠር ቤተ ክርስቲያኗ ለሁለት የሚከፍል የአሠራር ስህተት ከፈጸመ ውሎ ማደሩን፡፡

በተለይም ከቤተ ክርስቲያን የበላይ አመራር የሚሰጠውን መመሪያ አለመቀበል፣ ይልቁንም ሕገ ወጥና ሥርዓት አልባ ደብዳቤዎችን አሻቅቦ ወደላይ በመጻፍ መሪዎችን መቃወም እያስፋፋና እያሰራጨ መምጣቱ የቤተ ክርስቲያን አጋርነቱን ጥያቄ ውስጥ ከቶታል፡፡

ከዚህም አልፎ ተርፎ የቤተ ክርስቲያንዋ ከፈተኛ የትምህርት ተቋማት፣ የአብነት ትምህርት ቤቶች፣ ማሠልጠኛዎችና ሰንበት ትምህርት ቤቶች፣ ገዳማትና የአስተዳደር መዋቅሮች በአጠቃላይ የተሐድሶ መፈልፈያና መሰግሰጊያ ሆነዋል በማለት በሕትመትና የኤሌክትሮኒክስ ሚድያዎቹ በማሰራጨት በቤተ ክርስቲያኗ ህልውና ላይ ያካሄደውን የስም ማጥፋት ዘመቻ እንዲሁ በቀላሉ የሚታለፍ አለመሆኑን በመግለጽ ማኅበረ ቅዱሳን ደብዳቤ ከደረሰው ቀን ጀምሮ ሊያደርጋቸው የሚገባ ከ1-4 ተራ ቁጥር የተዘረዘሩት በማሳወቅ ደብዳቤው ከተላለፈበት ቀን ጀምሮ ባሉት አምስት ቀናት መመሪያውን ተቀብሎ ተግባራዊ ካላደረገ በቀኖና ቤተ ክርስቲያን መሠረት የማስተካከያ ሥራ ለመሥራት የሚገደድ መሆኑን በጥብቅ አስታውቋል፡፡

በሌላ በኩል የደብረ ብርሃን የማኅበረ ቅዱሳን ንዑስ ማዕከል በቀን የካቲት 13 ቀን 2008 ዓ.ም በቁጥር ደ/ብ/ማ/01/111/2008 የጠራው ሕገ ወጥ ስብሰባ በሀገረ ስብከቱ ሊቀ ጳጳስ በብፁዕ አቡነ ኤፍሬም የሰሜን ሸዋ ሀገረ ስብከት ሊቀ ጳጳስ ታገደ፣ ብፁዕነታቸው በቁጥር 349/34/2008 በቀን 11/06/2008 ዓ.ም በጻፉት ደብዳቤ ከሀገረ ስብከቱም ሆነ ከመንበረ ፓትርያርኩ ፈቃድ ሳይገኝ ስለሃይማኖት ጉዳይ በየሆቴሉ መሰብሰብ ሕገ ወጥ መሆኑን አስገንዝቦአል፡፡

ውድ አንባቢያን ቅዱስ ፓትርያርኩ ለመጨረሻ ለማሕበሩ የጻፉት የማስጠንቀቂያ ደብዳቤ ከዚህ በታች አቅርበናል ተከታተሉት፡፡

መልካም ንባብ

ቅዱስ ፓትርያርኩ ለመጨረሻ ለማሕበሩ የጻፉት የማስጠንቀቂያ ደብዳቤ

ማኅበረ ቅዱሳን ባልተፈቀደለትና ባልተሰጠው ሥልጣን በቤተ ክርስቲያኗ ተመርምረውና ተፈቅደው በማይታተሙት የሕትመት ውጤቶች በሆኑትና በድረ ገጹ ላይ አጠናሁት ባለው ጽሑፍ የቤተ ክርስቲያን ዓበይት ኮሌጆችንና ደቀመዛሙርቶቻቸውን በጋራ መድፈሩን፣ መንቀፉን፣ ማዋረዱንና ማውገዙን ተከትሎ የቅዱስ ፍሬምናጦስ ከሳቴ ብርሃን አባ ሰላማ መንፈሳዊ ኮሌጅ፣ የቅድስት ሥላሴ መንፈሳዊ ኮሌጅ፣ የሰዋሰወ ብርሃን ቅዱስ ጳውሎስ መንፈሳዊ ኮሌጅ ሠራተኞች፣ መምህራንና ደቀመዛሙት በጋራ በመሆን ከፍተኛ የተቃውሞ የአቋም መግለጫ በማውጣት ይህ ሕጋዊ መተዳደሪያ ደንብ እንኳ የሌለው በቤተ ክርስቲያኒቷ ስም እየነገደ የሚገኝ ‹‹ማኅበረ ቅዱሳን›› የተባለ ማኅበር በቅዱስ ሲኖዶስ መልካም ፈቃድ የተቋቋሙትን የቤተ ክርስቲያኗ መካነ አእምሮ (የእውቀት ማእከላት) እና የኮሌጆቹ ማኅበረሰብ በማን አለብኝነት ስላዋረደና አለስልጣኑም ገብቶ ስላወገዘ ቅዱስ ሲኖዶስ በአስቸኳይ መፍትሔ እንዲሰጠን ሆኖ በቤተ ክርስቲያኒቷ እየተመረመሩ ኅትመት ላይ የማይውሉ ጋዜጦች፣ መጽሔቶችና ድረ ገጽም ቅዱስ ሲኖዶስ ይህንን አቤቱታችንን ተመልክቶ ፍትሐዊ ውሳኔ እስኪሰጠን ድረስ የሕትመት ውጤቶቹ እንዲታገዱልን በማለት አቤቱታ ይዘው ቅዱስ ፓትርያርኩ ቢሮ ድረስ በመምጣት የሁሉም ኮሌጆች አመራርና የደቀ መዛሙርት ተወካዮች በአካል ቀርበው መጠየቃቸውን ተከትሎ ይህ የማኅበረ ቅዱሳን አዲስ ትርምስ የማስነሳት ተልዕኮ ለማክሸፍ ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአኵስም ወእጨጌ ዘመንበረ ተክለ ሃይማኖት አዲስ መመሪያ አስተላለፉ ፡፡
የቅዱስ ፓትርያርኩ መመሪያ ቤተ ክርስቲያኗ የእውቀት ማእከላት የሆኑት ኮሌጆችና ደቀመዛሙርት ተረጋግተው በሰላም የመማር የማስተማር ሥራቸውን እንዲያከናውኑ የሚል ሆኖ ማኅበሩ ለርእሰ ቤተ ክርስቲያን ለቅዱስ ሲኖዶስና ለቅዱስ ፓትርያርኩ አልታዘዝ በማለት እየሄደበት ያለው የጥፋት መንገዶች በሙሉ ሁሉም ግንዛቤ አግኝቶ ለቤተ ክርስቲያን ህልውና ቅድሚያ ሰጥቶ ማኅበሩን ከጥፋት እንዲታረም የበኩሉን እንዲወጣ በማሰብ ሕገ ወጥ ድርጊቶችን ዘርዝሮ ያስቀመጠ ሲሆን በአድራሻ ለሦስቱ ኮሌጆች ሆኖ በግልባጭም የሚመለከታቸው መንግሥት ጽ/ቤቶችና ባለድርሻ አካላት እንዲያውቁት መደረጉ ከደብዳቤው መረዳት ይቻላል ፡፡
ብፁዕ ወቅዱስ አቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ ሊቀ ጳጳስ ዘአኵስም ወእጨጌ ዘመንበረ ተክለ ሃይማኖት በመመሪያቸው በዋናነት፣ የኢትዮጵያ ኦርቶዶክስ ተዋሕዶ ቤተ ክርስቲያን ከጥንት ጀምሮ በቀኖናዋ መሠረት የቅዱስ ሲኖዶስ ሥርዓተ ቀኖና እተከተለች ተልዕኮዋን የምትፈጽም መሆንዋን፤ ውሳኔ የሚያስፈልገው ትምህርት፣ ሥርዓት ወይም ቀኖና ቢኖርም ውሳኔ የሚያገኘው በቅዱስ ሲኖዶስ እንጂ በማኅበራት አለመሆኑ፤ ማኅበረ ቅዱሳን ከማክበርና ከመታዘዝ ይልቅ የሲኖዶስ ሥልጣን በመጋፋት ቤተ ክርስቲያንን የማተራመስ ቀኖና የለሽ ሥርዓት እየተከተለ ያለ መሆኑ፤ በሌለው ሥልጣን የጾም አዋጅ እስከማወጅ መድረሱን፣ ቤተ ክርስቲያን የማትቆጣጠረው በቤተ ክርስቲያን ስም ከፍተኛ ገንዘብ በመሰብሰብ ለድብቅ ዓላማው ማስፈጸሚያ እያዋለ መሆኑን፣ በቤተ ክርስቲያኗ መዋቅሮች ውስጥ ጣልቃ በመግባት እያተራመሰ መገኘቱን፤ ያለ ሕጋዊ ደንብና መመሪያ እየሠራ መሆኑን በማለት በስፋት ከገለጹ በኋላ የሦስቱ ኮሌጆች ሠራተኞች፣ መምህራንና ደቀመዛሙርት ያቀረቡትን አቤቱታ በውሳኔ ሰጭ በቅዱስ ሲኖዶስ ውሳኔ የሚሰጥ ሆኖ ኮሌጆቹና የኮሌጁ ማኅበረሰብም የተለመደ ሥራቸውን ተረጋግተው በመሥራት ማኅበሩ ባደረገው የትርምስ ድርጊት ሳይበገሩ አገልግሎቸውን እንዲቀጥሉ መመሪያ አስተላልፈዋል ፡፡ የተከበራችሁ አንባቢዎች ቅዱስ ፓትርያርኩ ለሦስቱ ኮሌጆች የጻፉትን የማረጋጊያ ደብዳቤ ከዚህ ቀጥለን አቅርበናል፡፡ መልካም ንባብ ፡፡

ቅዱስ ፓትርያርኩ ለሦስቱ ኮሌጆች የጻፉትን የማረጋጊያ ደብዳቤ PDF

zenabet2008 hedarcover

ቅዱስነታቸው የአድዋ ከተማንና አካባቢዋን ጐበኙ

እስክንድር ገ/ክርስቶስ

ብፁዕ ወቅዱስ አቡነ ማትያስ ቀዳማዊ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት ከብፁዓን አበው ሊቃነ ጳጳሳት ጋር በሆን ኅዳር 19 ቀን 2008 ዓ.ም አክሱም አውሮኘላን ማረፊያ ሲደርሱ ብፁዕ አቡነ መቃርዮስ ፣ ብፁዕ አቡነ ኢሳይያስና ብፁዕ አቡነ ዲዮስቆስ የክልል ትግራይ ሊቃነ ጳጳሳት አቀባበል አድርገውላቸዋል፡፡
በርዕሰ አድባራት ወገዳማት አክሱም ጽዮን ጸሎት ካደረጉ በኋላ ወደ አድዋ ከተማ የተጓዙት ቅዱስ ፓትርያርኩ የአቀባበል መርሐ ግብር ውስጥ በተካተተው መሠረት ከመኪናቸው ወርደው ወደ ጥንታዊውና ወደ ታላቁ የደበረ ብርሃን ሥላሴ ቤተክርስቲያን በሰረገላ ተጉዘዋል፡፡

Picture 104 Picture 107 Picture 137 Picture 147 Picture 167 Picture 187 Picture 205 Picture 242 Picture 354 Picture 393 Picture 412 Picture 416 Picture 455 Picture 457 Picture 480 Picture 500

በመንገዱ ግራና ቀኝ ተሰልፎ በእልልታ ፣ በሆታ ፣ ርጥብ ቄጤማና የፈንድሻ አበባ በሚበትኑ እናቶች ደምቆ የጠበቀቸውን የአድዋ ከተማ ሕዝብን ቅዱስ ፓትርያርኩ ባርከዋል፡፡ በአቀባበል ሥነ ሥርዓቱ ማጠቃለያ ላይም ብፁዕ ወቅዱስ ፓትርያርኩ በአድዋ ደብረ ብርሃን ሥላሴ ቤተክርስቲያን ጸሎት ካደረጉ በኋላ በአውደ ምህረት ላይ ለተሰበሰበው ሕዝብ ትምህርትና ቡራኬ ሰጥተዋል፡፡ የአድዋ ከተማ ከንቲባም የእንኳን ደህና መጡ ንግግር አድርገዋል፡፡ከንቲባው የቅዱስ ፓትርያርኩ ጉብኝት ለጥንታዊቷና ለታሪካዊቷ የአድዋ ከተማ ሕዝብ ትልቅ ትርጉም ያለው መሆኑን ገልጸው ከተማችንን ለመባረክ እንኳን በደህና መጡልን የአድዋ ቆይታዎም የተሳካ እንዲሆን እመኛለሁ ብለዋል፡፡

 በተጨማሪ ያንብቡ…

በሀገረ ስብከቱ ለሚታነጹ አራት ሕንጻዎች የመሠረት ድንጋይ አኖሩ

እስክንድር ገ/ክርስቶስ

ብፁዕ ወቅዱስ አቡነ ማትያስ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት በቤኒሻንጉል ጉሙዝ ክልል ርዕሰ ከተማ በአሶሳ የታነጸውን የመንበረ መንግሥት ቅዱስ ገብርኤል ቤተ ክርስቲያንን ቅዳሴ ቤት ለማክበርና ሕዝቡን ለመባረክ ኅዳር 10 ቀን 2008 ዓ.ም አሶሳ ሲደርሱ የክልሉ አፈ ጉባኤ አቶ ፍቃዱ ታደሰ እና የክልሉ ፕሬዝዳንት ተወካይ ብፁዕ አቡነ ሔኖክ የምዕራብ ወለጋ ፣ የቄለም ወለጋና የአሶሳ ሀገረ ስብከት ሊቀ ጳጳስ ፣ ብፁዕ አቡነ ስምኦን የምሥራቅ ወለጋ እና የሆሮጉድሩ ሀገረ ስብከት ሊቀ ጳጳስ በአሶሳ አየር ማረፊያ በመገኘት አቀባበል አድርገውላቸዋል፡፡
በአሶሳ አየር ማረፊያ ለብፁዕ ወቅዱስ ፓትርያርኩ በተደረገው ደማቅ የአቀባበል ሥነ ሥርዓት ላይ የክልሉን የብሔር ብሔረሰብ አልባሳት የለበሱ፣ የበርታ ብሔረሰብ የእስልምና እምነት ተከታዮች በክልሉ የብሔረሰብ ሙዚቃ በመተጀብ የታላቀ መሪነት አቀባበል አድርገውላቸዋል፡፡ ከመንግሥት ከፍተኛ ባለሥልጣናት መካከልም የፕሬዝዳንቱ ተወካይ ፣ የክልሉ አስተዳርና ፀጥታ ኃላፊ፣ የክልሉ ጠቅላይ ፍ/ቤት ኃላፊ፣የክልሉ ጸረ ሙስና ኮሚሽን ኮሚሽነር፣ የክልሉ የርዕሰ መስተዳድና ካቢኔ ጉዳዮች ኃላፊ እና የክልሉ የባሕልና ቱሪዝም ኃላፊ ተገኝተዋል፡፡

Picture 159 Picture 163 Picture 166 Picture 170 Picture 197 Picture 203 Picture 236 Picture 260 Picture 262 Picture 290 Picture 319 Picture 345 Picture 372 Picture 378 Picture 379 Picture 396 Picture 402 Picture 413 Picture 424 Picture 432 Picture 434 Picture 443 Picture 480 Picture 494

ለቅዱስነታቸው ክብር ከአየር ማረፊየው እስከ ከተማው ብሎም የአቀባበል መርሐ ግብር እስከ ተዘጋጀበት መንበረ ስብሐት ቅድስት ማርያም ቤተክርስቲያን ድረስ ካህናት ፣ የከተማዋ ነዋሪዎች ፣ ምዕመናንና ምዕመናት ፣ የሰንበት ት/ቤት ወጣቶች በአውቶቡስ ፣ በሚኒባስ ፣ በባጃጅና በሞተር ብስክሌት በመታጀብ በከፍተኛ ድምቀት አቀባበል አድርገውላቸዋል፡፡

 በተጨማሪ ያንብቡ…

እስክንድር ገ/ክርስቶስ

ብፁዕ ወቅዱስ አቡነ ማትያስ ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወእጨጌ ዘመንበረ ተክለ ሃይማኖት የምሥራቅ ትግራይ ጉብኝታቸውን በይፋ ለማከናወን ጥቅምት 25 ቀን 2008 ዓ/ም ውቅሮ ከተማ ሲደርሱ ቁጥራቸው በርካታ የሆኑ የውቅሮ ከተማ ነዋሪዎች፣ ካህናት ፣ ወጣት የሰንበት ት/ቤት ተማሪዎችና የከተማዋ ነዋሪዎች ደማቅ አቀባበል አድርገውላቸዋል፡፡

በውቅሮ ከተማ ደብረ ፀሐይ ቅድስት ማርያም ቤተክርስቲያን አቀባበል ለማድረግ ለተሰበሰቡ ምዕመናን ቅዱስ ፓትርያርኩ ባስተላለፉት አባታዊ መልዕክት በውቅሮ ከተማ ለመጀመሪያ ጊዜ በተገኙበት በአሁኑ ጊዜ ህዝቡ በነቂስ ወጥቶ ላደረገላቸው ደማቅ አቀባበል አመስግነው ይህንን እንግዳ ተቀባይነታቸውንና ለሃይማኖታቸው ያላቸውን ቀናኢነት አጠናከረው እንዲቀጥሉበት መክረዋል፡፡

አምላኩ እግዚብሔር የሆነ ሕዝብ ንዑድ ክቡር ነው፣ በኦርቶዶክሳዊት ቤተክርስቲያን የሚያምን ሕዝብ ንዑድ ክቡርነው ያሉት ቅዱስ ፓትርያርኩ የውቅሮ ከተማ ሕዝብ በእምነቱ በመጽናት የእግዚአብሔርን ረድኤትና በረከት በማግኘቱ እንኳን ደስ ያላችሁ ብለዋል፡፡

Picture 003 Picture 013 Picture 015 Picture 018 Picture 021 Picture 027 Picture 031 Picture 037 Picture 040 Picture 045 Picture 083 Picture 118 Picture 139 Picture 144 Picture 175 Picture 193 Picture 196 Picture 204 Picture 211 Picture 238 Picture 239 Picture 257 Picture 266 Picture 268 Picture 273 Picture 275 Picture 276 Picture 291 Picture 294 Picture 307 Picture 310 Picture 312 Picture 317 Picture 334 Picture 344 Picture 384 Picture 390 Picture 399 Picture 467 Picture 488 Picture 491 Picture 493 Picture 605 Picture 610 Picture 662 Picture 683 Picture 685 Picture 691

ዛሬ በዚህ ከተማ የተመለከትነው የሃይማኖት ጽናትና የአባቶች አክብሮት እናንተ ከአባቶችሁ የወረሳችሁት በመሆኑ ልጆቻችሁም ይህንኑ የእናንተን ጽናት በመውረስ ሃይማኖታቸውን ጠባቂ እና አክባሪ እና ባህሉን ጠባቂ በመሆን መጪው ትውልድ ሃይማኖቱን አክባሪ እና ባህሉን ጠባቂ በመሆን ይታነጽ ዘንድ ለልጆቻችሁ ስለ ሃይማኖታችሁ ምንነትና ጽናት በርትታችሁ ማስተማር ይገባቸኋል ካሉበኋላ ካህናትም ወጣቱ ትውልድ በሕገ እግዚብሔር በፍቅርና በአንድነት መኖር ይችል ዘንድ ዘወትር ማስተማር ይጠበቅባችኋል ብለዋል፡፡

 በተጨማሪ ያንብቡ…

More Articles...

የፎንት ልክ መቀየሪያ